Міністр працы: Заробак трэба зарабіць

• 3.12.2017, 10:28

Ірына Касцевіч наважыла «павучыць жыццю» беларусаў.

Міністарка працы і сацыяльнай абароны Ірына Касцевіч падчас прамой тэлефоннай лініі распавяла пра перспектывы заробка для беларусаў.

- Пытанне правільна ставіць так: заробак трэба зарабіць, у любой галіне - прамысловасць, сельская гаспадарка, гандаль і гэтак далей. І мы павінны разумець, што ў залежнасці ад фінансавага стану прадпрыемства або галіны ў кожнага канкрэтнага чалавека заробак будзе розны. І гэта для пачатку. Будзе дыферэнцыяцыя ў разрэзе галін і абласцей, - цытуе міністра БелТА.

Нагадаем, што паводле звестак Белстата аб сярэднедушавых наяўных рэсурсах насельніцтва ў трэцім квартале гэтага года, крыху больш за чвэрць беларусаў - 27,8% ад усяго насельніцтва - штомесяц маюць у сваім распараджэнні не больш за 300 рублёў.