Сенат ЗША зацвердзіў праект падатковай рэформы

• 2.12.2017, 14:39

Ключавое становішча рэформы - зніжэнне падатку на прыбытак карпарацый.

Сенат ЗША ў ноч на суботу, 2 снежня, ухваліў законапраект маштабнай падатковай рэформы.

«За» прагаласаваў 51 сенатар ад рэспубліканцаў, «супраць» - 48 ад дэмакратаў і адзін сенатар-рэспубліканец. Да гэтага Палата прадстаўнікоў Кангрэсу прагаласавала за сваю версію рэформы.

Ключавое становішча рэформы - зніжэнне падатку на прыбытак карпарацый з 35 адсоткаў да 20. Рэспубліканцы мяркуюць, што гэта дазволіць павысіць канкурэнтаздольнасць эканомікі ЗША і вярнуць з-за мяжы прыбыткі амерыканскіх карпарацый на трыльёны даляраў. У гэтым рознагалоссяў у кангрэсменаў з абедзвюх палат няма. У пытаннях рэарганізацыі падаткаабкладання фізічных асоб і шэрагу шматлікіх паслабленняў існуюць, аднак, розныя пункты гледжання.

Цяпер абедзве палаты павінны ўзгадніць свае законапраекты і звесці іх у адзін адзіны тэкст, які затым зноў будзе пастаўлены на галасаванне і пасля адабрэння парламентам накіраваны на подпіс прэзідэнту.