Габрэйка стала зоркай сеціва, распавёўшы хрысціянам пра Хануку

• 15.12.2017, 11:58

Актрыса «Тэорыі вялікага выбуху» зняпраўдзіла памылковыя міфы, навакольныя свету.

Галівудская зорка Маім Бялік, якую многія памятаюць з серыялу «Блосам» і як Эмі Тару Фаулер з «Тэорыі Вялікага выбуху», выклала ў сацсетцы відэа пра Хануку, у якім за пяць хвілін тлумачыць звычаі свята - і зняпраўджвае міфы вакол Ханукі ў амерыканскай культуры, паведамляе vesty.co.il.

Відэа за адну ноч стала гітом, і да панядзелка толькі на Facebook атрымала амаль 5,8 мільёна праглядаў і звыш 87 тысяч рэпостаў.

«Ёсць шмат няправільных уяўленняў пра Хануку, дык вось кароткая віктарына, каб дапамагчы вам даведацца ўсё пра свята», - кажа Бялік.

У віктарыне шэсць сцвярджэнняў, на якія трэба адказаць «праўда» або «хлусня».

Сярод іншага, Бялік зняпраўджвае распаўсюджаную памылку (у ЗША многія думаюць, што «Ханука - габрэйскія Каляды»). «Ханука, - распавядае акторка, - святкуецца ў гонар групы габрэяў пад імем «Макавеі», якія распляжылі войска Селевкідаў у другім стагоддзі да нашай эры. Свята звязанае з цудам: збанам алею, якога магло выстарчыць на адзін дзень гарэння свяцільні, а выстарчыла на восем дзён. І яшчэ гэта перамога над прыгнётам, за свабоду веравызнання".

Бялік таксама распавядае пра розніцу паміж святамі, прадпісанымі Торай, і святамі, устаноўленымі мудрацамі, і гэта тлумачыць, чаму ў Хануку можна працаваць. Іншае агульнае перакананне (на гэты раз апраўдана) тычыцца страў, прыгатаваных на алеі, або, як гаворыцца ў відэа: «Габрэі сапраўды ядуць нездаровую ежу цягам васьмі дзён Ханукі».

Ужо не першы раз Бялік горда дэманструе прыналежнасць да габрэйскай традыцыі. У 2015 годзе яна была вымушаная святкаваць Хануку на працы, на здымках «Тэорыі Вялікага выбуху». Яна ўстанавіла ў сваёй грымёрцы ўсе ханукальныя падсвечнікі, якія ў яе былі (а яна іх збірае з дзіцячага садка), і наладзіла ўражальную цырымонію запальвання свечкі Ханукі з удзелам усіх габрэяў, якія працавалі на здымках (і, як яна адзначала, нястачы ў іх не было).

Больш за 3 000 адказаў атрымала відэа Маім Бялік - большасць ад негабрэяў, - і яны поўняцца падзякай за тлумачэнні. «Я акурат спрабую растлумачыць сваёй сямігадовай дачцэ, што такое Ханука, - напісаў Дэвід Бэрклі, які вызначае сябе як будыста. - Вы зрабілі гэта значна лепш, чым атрымалася ў мяне».