Максім Вінярскі: Лозунгам гэтага года стала «Баста!»
- 13.12.2017, 12:19
Важна, што ў Беларусі ёсць людзі, гатовыя змагацца за сваю краіну і дэмакратыю.
Пра гэта сайту Charter97.org распавёў каардынатар грамадзянскай кампаніі «Еўрапейская Беларусь» Максім Вінярскі, падводзячы вынікі 2017 года.
- На мой погляд, найлепшым вынікам гэтага года з'яўляецца тое, што наша краіна пакуль яшчэ захоўвае незалежнасць, у тым ліку дзякуючы акцыям патрыётаў. Важна, што ў Беларусі ёсць людзі, гатовыя змагацца за незалежнасць краіны і з дыктатурай. Гэты год выразна паказаў, што ёсць беларусы, якія будуць абараняць краіну ад усялякай навалы.
Патрыёты гатовыя выходзіць на вуліцы і казаць дзейнай уладзе, што ў іх ёсць сваё меркаванне, якое яны будуць бараніць.
- А чым асабіста вам запоўніўся гэты год?
- Асабіста мне 2017 год запомніўся масавымі вулічнымі пратэстамі беларусаў і рэакцыяй уладаў на тое, што людзі выходзяць на акцыі.
Гэта выглядала, мякка кажучы, вельмі дзіўна, што ўлада, якая прыпісвае сабе 80% «рэйтынгі», на чатыры гадзіны спыняе жыццё горада, закрывае некалькі станцый метрапалітэна, выводзіць на вуліцы спецназаўцаў, каб перашкодзіць людзям адсвяткаваць Дзень Волі. Улада, якая праўда верыць у тое, што яе падтрымліваюць людзі, ніколі б такога не рабіла! Гэтая абсурд, што ўрад, які сцвярджае пра «80%», павінен карыстацца такімі метадамі, як на 25 сакавіка, каб паказаць сваю «сілу».
Тут хачу згадаць, што лозунгам гэтага года стала «Баста!».
- Як дамагчыся таго, каб наступны год стаў для нас яшчэ больш паспяховым?
- Усё, што адбываецца ў нашай краіне, залежыць менавіта ад нас. Ёсць толькі адзін спосаб бараніць свае перакананні - гэта вуліца. Пры дыктатуры, на жаль, іншых сродкаў няма. Пры дэмакратыі ёсць магчымасць выбараў, дэбатаў і гэтак далей, у нас жа ёсць толькі - пратэст. Таму я думаю, што менавіта ад таго, ці будзем мы гатовыя бараніць свае правы на вуліцах, залежыць тое, якім будзе наступны год.
- Што б вы зычылі беларусам у 2018 годзе?
- Хачу пажадаць годнага святкавання 100-годдзя незалежнасці Беларускай Народнай Рэспублікі. А таксама годна абараніць дэмакратыю і незалежнасць нашай краіны ў тым ліку на вуліцах, а не, прабачце, пад канапай.