Ізраільскае войска нанесла ўдар па сектары Газа

• 12.12.2017, 9:40

Ізраільскія танкі і самалёты атакавалі пазіцыі ХАМАС у адказ на пускі ракет з палестынскай тэрыторыі.

Войска Ізраіля атакавала пазіцыі палестынскага руху ХАМАС у сектары Газа.

Пра гэта гаворыцца ў Twitter ізраільскіх узброеных сілаў.

Адзначаецца, што ізраільскія танкі і самалёты ўдарылі па пазіцыях ХАМАС на поўначы сектара Газа ў адказ на пускі ракет з палестынскай тэрыторыі.

6 снежня прэзідэнт ЗША Дональд Трамп афіцыйна прызнаў Ерусалім сталіцай Ізраіля і абвясціў аб пераносе пасольства ЗША з Тэль-Авіва ў Іерусалім.

Прэм'ер-міністр Ізраіля Біньямін Нетаньяху падзякаваў кіраўніку Белага дома за такую пастанову і заявіў, што Ізраіль заўсёды будзе забяспечваць свабоду веравызнання для габрэяў, хрысціян і мусульман.

Прэзідэнт Палестыны Махмуд Абас паведаміў, што прызнанне Трампам Ерусаліма сталіцай Ізраіля раўназначна адмове ЗША ад ролі пасярэдніка ў мірных перамовах. У 2014 годзе ён прапаноўваў зрабіць Ерусалім агульнай сталіцай дзвюх дзяржаў.

7 снежня ў Ерусаліме ўспыхнулі беспарадкі. З сектара Газа ў бок Ізраіля былі запушчаныя некалькі ракет.