Леанід Судаленка: Беларускім змагарам за правы чалавека ёсць чым ганарыцца
- 10.12.2017, 11:08
Нашы ўпартасць і салідарнасць не раз прымусілі ўладу адступіць.
Пра гэта ў «Фэйсбуку» напісаў юрыст незалежнага прафзвязу РЭП Леанід Судаленка:
«Разам з праваабаронцамі са 110 краін свету віншую з Днём Правоў Чалавека!
Нагадаю, 19 гадоў таму, у гэты дзень была абвешчаная Дэкларацыя арганізацыі Аб'яднаных Нацый аб праваабаронцах.
Дазволю сабе працытаваць артыкул 1 Дэкларацыі ААН: «Кожны чалавек мае права, індывідуальна і супольна з іншымі, заахвочваць і імкнуцца абараняць і ажыццяўляць правы чалавека і асноўныя свабоды на нацыянальным і міжнародным узроўнях».
Беларускім абаронцам правоў чалавека ёсць чым ганарыцца ў адыходзячым годзе - разам з грамадзянскай супольнасцю мы дамагліся прызнання сумнавядомага прэзідэнцкага дэкрэта аб дармаедах нікчэмным, які груба парушае права кожнага на працу!
У выніку, блізу паўмільёна беларусаў больш ніколі не будуць атрымліваць ганебных, так званых лістоў шчасця ад падаткавікоў...
Сваёй штодзённай працай у абароне правоў людзей кожны з нас і ўсе мы разам робім наш свет крыху лепшым і дабрэйшым.
Давайце памятаць і паважаць тых, хто прысвяціў сваё жыццё абароне правоў чалавека!
Са святам, сябры праваабаронцы!»