Першы ўрачысты абрад прайшоў у віцебскай сінагозе
- 25.11.2017, 17:46
Цырымонія была праведзеная для нованароджанага сына рабіна.
У мінулую нядзелю ў новай сінагозе Віцебска прайшла першая пасля адкрыцця і першая за паўстагоддзя ў горадзе ўрачыстая цырымонія - абрад ўступлення ў запавет Абрагама для нованароджанага сына рабіна Малкіэля Гаргадзе, піша vkurier.by.
У такі дзень у сінагозе пануе асаблівая атмасфера, бо нараджэнне дзіцяці - гэта ні з чым непараўнальная радасць і само здзяйсненне абраду з'яўляецца найважнейшай запаведдзю, - распавяла адна з парафіянак сінагогі.
Менавіта так - з выконваннем усіх неабходных правілаў - адбылася ўрачыстасць у віцебскай сінагозе «Шацёр Давіда».
Абрад, як і прадугледжвае традыцыя, быў праведзены на восьмы дзень пасля нараджэння дзіцяці.
Асаблівая пашана выпала таму, хто падчас цырымоніі трымаў малога на каленях.
Пасля абраду малы атрымаў імя Ёханан - маленькі Ёханчэ.
Малітвы, блаславення, добрыя пажаданні малому і яго бацькам - так скончыўся першы ўрачысты абрад і пачалося жыццё маленькага габрэйскага хлопчыка.