Ля берагоў Аргентыны знікла субмарына з 44 сябрамі экіпажа

• 17.11.2017, 20:58

Судна перастала выходзіць на сувязь і не паднялося на паверхню.

Аргентынская вайсковая субмарына з 44 сябрамі экіпажа на борце знікла ў моры, паведамляе Reuters.

Падводнае судна перастала выходзіць на сувязь па шляху з порта Ушуая ў горадзе Мар-дэль-Плата. Субмарына абвешчаная ў вышук, распачатыя пошукі.

Прадстаўнік аргентынскіх вайскоўцаў Энрыке Балбі паведаміў, што цяпер расследуецца, чаму субмарына не выйшла на сувязь і чаму не паднялася на паверхню.