Украінская праваабаронца: Беларусь - прадаўжэнне тэрыторыі беззаконня ФСБ

• 17.11.2017, 14:56

Украінскі журналіст мог стаць чарговым закладнікам Крамля ў Беларусі.

Беларусь магла стаць прадаўжэннем «тэрыторыі беззаконня», на якой дзейнічаюць расейскія спецслужбы, сказала інтэрнэт-выданню «Гордан» праваабаронца, дырэктар фонду «Адкрыты дыялог» Людміла Казлоўская, каментуючы затрыманне ўласнага карэспандэнта «Українського радіо» ў гэтай краіне, грамадзяніна Украіны Паўла Шаройкі.

«Дэталяў пакуль не ведаем. Сачыць будзем, бо вельмі падобна, што Беларусь стала проста прадаўжэннем тэрыторыі беззаконня для расейскіх спецслужбаў. Хочам зразумець: самі беларусы зацікаўленыя ў яго затрыманні або трымаюць яго, як новага закладніка Крамля. У дачыненні да Беларусі ўжо нічога нельга выключаць. Яго, як Паўла Грыба, могуць вывезці», - адзначыла яна.

Казлоўская выказала ўпэўненасць, што ўкраінцам стала небяспечна ездзіць у Беларусь.