Прадстаўніцы беларускага княскага роду Эльжбеце Радзівіл - 100 гадоў
- 21.10.2017, 20:48
Сёння астатняя жыхарка Нясвіжскага замка святкуе свой юбілей.
«Пані Эльжбета па-ранейшаму ў добрым гуморы, мае светлы розум і фенаменальную памяць што да дэталяў нясвіжскай маладосці», - напісаў з гэтай нагоды журналіст Глеб Лабадзенка, які віншаваў княгіню праз тэлефон, піша nn.by.
Эльжбета Радзівіл - дачка астатняга гаспадара Нясвіжскага замка Альбрэхта Радзівіла і ангелькі Дораці Паркер Дзікан.
Аднак нарадзілася Эльжбета ў Лондане. Ейныя бацькі былі вымушаныя выехаць з Нясвіжа, каб уратавацца ад бальшавікоў. Калі яны разышліся, Эльжбета жыла то з маці ў Вене, то з бацькам у Нясвіжы.