Максім Мірны выйшаў у фінал парнага разраду на Кубку Крамля

• 20.10.2017, 19:06

Беларускі тэнісіст з'яўляецца рэкардсменам парнага турніру Кубка Крамля па ліку перамог.

У паўфінале Мірны і Освальд падолелі інтэрнацыянальны дуэт Хуан Себасцьян Кабаль (Калумбія) / Дзяніс Малчанаў (Малдова) - 7:6 (7:5), 6:4, піша tut.by.

Адзначым, што чвэрцьфінальны бар'ер Максім Мірны і Філіп Освальд, пасеяныя на турніры пад 1-м нумарам, прайшлі пасля адмовы дуэта спаборнікаў Іржы Вясёлы (Чэхія) / Ігар Зеленай (Славакія).

Максім Мірны з'яўляецца рэкардсменам мужчынскага парнага турніру Кубка Крамля ў ліку перамог. У 2001-2005 гадах беларус чатыры разы перамагаў на маскоўскіх кортах, прычым кожны раз гуляючы ў пары з новым партнёрам.