У Facebook з'явіцца другая стужка з рэкамендацыямі
- 19.10.2017, 21:00
На сайце дадаткова будуць адлюстроўвацца навіны і публікацыі, якія могуць цікавіць карыстача.
У сацыяльнай сеткі Facebook у хуткім часе з'явіцца другая стужка. На сайце дадаткова будуць адлюстроўвацца навіны і публікацыі, якія могуць цікавіць карыстальніка, піша actualnews.org.
Упершыню на новы дадатак Explore звярнулі ўвагу замежныя карыстальнікі Twitter. Пазней у сацыяльнай сетцы ўжо выйшла пацверджаная інфармацыя аб з'яўленні стужкі з рэкамендацыямі.
Як распавёў адзін з кіраўнікоў Facebook, у дадатковых навінах будуць бачныя папулярныя артыкулы, відэаролікі і здымкі, якія загадзя падабраныя пад кожнага сябра сацыяльнай сеткі. Кантэнт наўпрост будзе залежаць ад інтарэсаў чалавека. Адзначаецца, што такое новаўвядзенне парэкамендавалі стварыць самі карыстальнікі.
Раней СМІ паведамлялі, што кампанія Facebook у пошуках супрацоўнікаў сярод разведчыкаў і дзяржаўных службоўцаў.