У РФ завод выпуску бронетэхнікі застаўся без ацяплення праз запазычанасць за газ

• 17.10.2017, 21:17

На Курганскі машынабудаўнічы завод не падаецца ацяпленне.

На Курганскі машынабудаўнічы завод не падаецца ацяпленне праз запазычанасць за газ.

Пра гэта паведаміла агенцтва Ura.ru.

Прэс-службе ТАА «Газпром межрегионгаз Курган» патлумачыла, што ў дачыненні да прадпрыемства былі ўведзеныя абмежаванні падачы прыроднага газу праз запазычанасць.

Курганскі машынабудаўнічы завод спецыялізуецца на вытворчасці і рамонце бронемашын сямейства БМП, Хрызантэма-З, САУ Вена.

У склад прадпрыемства ўваходзіць дзесяць заводаў і пяць цэхаў.

З 2005 года ААТ «Курганмашзавод» уваходзіць у склад канцэрна «Трактарныя заводы».

2016 год КМЗ скончыў са стратай у 3,6 млрд. рублёў.

Паводле звестак аўдытараў, чыстыя існыя абавязанні завода паводле стану на канец 2016 года перавышалі абаротныя актывы прадпрыемства на 5 млрд. 426 млн. рублёў.

Крэдыторы завода патрабуюць яго банкруцтва ў арбітражным судзе.

Мінабароны таксама патрабуе з КМЗ 352 млн. 722 тысяч рублёў.

Раней паведамлялася, што праект расейскага танка «Армата» лопнуў, як мыльная бурбалка.