Cуд у Лазане не задаволіў пазоў Хацкевіча да Беларускай Федэрацыі Футбола

• 17.10.2017, 17:13

Былы галоўны трэнер нацыянальнай каманды Беларусі патрабаваў кампенсацыю за датэрмінова скасаваны кантракт.

Як паведаміў дырэктар міжнародна-прававога дэпартамента АБФФ Сяргей Ільіч, які прадстаўляў арганізацыю на слуханнях у Лазане, апеляцыя Аляксандра Хацкевіча адхіленая ў сувязі з адсутнасцю юрысдыкцыі CAS, піша «Прессбол».

Пастанова Футбольнага арбітражу на пазоў Аляксандра Хацкевіча такім чынам пакінутая ў дзеянні, паведамляе прэс-служба БФФ.

Нагадаем, 6 снежня 2016 года Беларуская федэрацыя футбола датэрмінова спыніла кантракт з Хацкевічам, разлічаны да лістапада 2017-га. Старшыня АБФФ Сяргей Румас растлумачыў, што такая пастанова была прынятая пасля таго, як Хацкевіч адмовіўся пайсці на памяншэнне заробку (паводле некаторых звестак, ён быў роўны 240 тысячам еўраў на год). Экс-настаўнік нацыянальнай каманды меў намер спагнаць з АБФФ кампенсацыю за датэрміновае скасаванне кантракту.