Штогод у водаправоды Швайцарыі выцякае да 43 кілаграм золата

• 13.10.2017, 9:32

Навукоўцы з Федэральнага інстытута водных навук і тэхналогій Швайцарыі вывучылі эфектыўнасць ачысткі вады ў краіне.

Даследнікі з Федэральнага інстытута водных навук і тэхналогій Швайцарыі мяркуюць, што ў водаправодную сістэму краіны кожны год выцякае да 43 кг золата. Пра гэта паведамляе Bloomberg са спасылкай на даследаванне інстытута, дзе вывучалася эфектыўнасць ачысткі вады.

Страты ацэньваюцца на $1,8 млн.

Самая высокая канцэнтрацыя золата зафіксавана ў кантоне Тычыно. Навукоўцы звязваюць гэта з вялікай колькасцю золатаздабывальных заводаў у гэтай мясцовасці.

Таксама ў сцёкавых водах знайшлі 3 тоны срэбра, што ацэньваецца прыкладна на $1,7 млн.

Агенцтва адзначыла, што на Швайцарыю прыпадае блізу 70% сусветнай перапрацоўкі золата.