Данкверт узмацніў кантроль за ўвозам гародніны і садавіны з Беларусі

• 12.10.2017, 12:17

Апошнім часам значна павялічыўся аб'ём імпарту санкцыйных прадуктаў у Расею.

Рассельгаснагляд узмацніў кантроль за пастаўкамі гародніны і садавіны з Арменіі, Азербайджана і Беларусі, падазраючы, што пад выглядам прадукцыі гэтых краін у РФ могуць паступаць санкцыйныя грузы.

Як паведамілі interfax.by у Рассельгаснаглядзе, неабходнасць узмацнення кантролю звязаны з тым, што апошнім часам назіраецца значнае павелічэнне аб'ёмаў імпарту забароненай для ўвозу ў Расею прадукцыі ў Арменію, Азербайджан і Беларусь. Забароненую прадукцыю, якая паступае ў гэтыя краіны, далей спрабуюць увезці ў Расею, выдаючы за тавары, вырабленыя на тэрыторыі гэтых дзяржаў.

Перш за ўсё, гэта датычыцца таматаў. У сувязі з гэтым служба праінфармавала ўпаўнаважаныя органы Арменіі, Азербайджана і Беларусі аб тым, што цяпер на таварных этыкетках (маркаванні), якія змяшчаюцца на кожнай упаковачнай адзінцы з таматамі, трэба ўказваць вытворцу з дакладным адрасам. Партыі таматаў без такой інфармацыі будуць затрымлівацца да высвятлення месца вытворчасці.

У Рассельгаснаглядзе не выключылі, што аналагічныя захады будуць ужытыя і да іншай прадукцыі. "Будзем маніторыць пастаўкі і прымаць адпаведныя пастановы", - сказалі ў службе.