«Беларуская класіка»: Барысаўскі БАТЭ падолеў менскае «Дынама»

• 1.10.2017, 18:30

Адзіны гол забіў паўабаронца барысаўцаў Станіслаў Драгун.

29 верасня стартаваў 24-ы тур чэмпіянату Беларусі ў футболе. 1 кастрычніка на стадыёне «Трактар» менскае «Дынама» саступіла БАТЭ - 0:1. Не выключана, што гэта «класіка» стала вызначальнай у барацьбе за золата. Лідар жа чэмпіянату «Шахцёр» лёгка перамог «Слуцк», піша tut.by.

«Дынама-Менск» - БАТЭ - 0:1

Менск. Стадыён «Трактар».

Суддзі: С. Цынкевіч (Асіповічы), В. Малюцін, Е. Раманаў (абодва - Магілёў); В. Шымусік (Асіповічы), Д. Доля (Горадня).

«Дынама-Менск»: Ігнатовіч - Быкаў, Жаўнерчык, Галовіч, Сачыўка, Бегуноў (Яроцкі, 78), Ляковіч, Наёк (к), Нікаліч (Хвашчынскі, 59), Хлебас, Сарока.

БАТЭ: Шчарбіцкі - Рыас, Яблонскі, Мілуновіч, М. Валадзько, А. Валадзько (Туамінен, 83), Драгун, Іваніч (Бага, 75), Гардзяйчук, Радзівонаў (к) (Сігневіч, 67), Стасевіч.

Гол: 0:1 - Драгун (53).

Папярэджанні: Жаўнерчык (3), Мілуновіч (27), Туамінен (87).

Відэа: «Беларусь-5»