Скардзіна заняла 18-е месца ў мас-старце, перамогу атрымала Каўкалава

• 8.01.2017, 19:33

Адзінай прадстаўніцай Беларусі сёння была Надзея Скардзіна, якая прапусціла дзве першыя гонкі этапу праз хваробу, паведамляе tut.by.

Скардзіна зрабіла 1 (0 + 0 + 0 + 1) промах і заняла на фінішы 18-е месца.

Перамогу ж атрымала чэшка Габрыэла Каўкалава (0 + 0 + 0 + 0).

Другой стала немка Лаура Дальмаер (0 + 0 + 1 + 0), а трэцяй – суайчынніца пераможцы Ева Пушкарчыкава (0 + 0 + 0 + 0).

Наступны этап Кубка свету адбудзецца з 11 да 15 студзеня ў Рупальдынгу.