У Нацыянальным аэрапорце Менск затрымліваюцца рэйсы

• 8.01.2017, 14:25

Са спазненнем прыбылі ранішнія рэйсы з Масквы і Кіева.

У Нацыянальным аэрапорце Менск затрымліваюцца рэйсы — як на пасадку, так і на вылет. Гэта відаць з онлайн-табло на сайце аэрапорта.

Са спазненнем прыбылі ранішнія рэйсы з Масквы і Кіева. На момант напісання матэрыялу затрымліваліся барты «Аўстрыйскіх авіяліній» з Вены (прылёт паводле раскладу а 13.45) і LOT — з Варшавы (прылёт паводле раскладу а 15.05). Акрамя таго, з 13.10 да 14.00 быў адкладзены вылет самалёта Belavia ў Стамбул.

У Нацыянальным аэрапорце Менск tut.by не атрымалася атрымаць каментар, ці звязаныя затрымкі з надвор'ем.

У апошнія дні праз анамальныя маразы недакладна трымаюцца раскладу аэрапорты Масквы. Так, сёння раніцай у Дамадзедава і Шарамеццева затрымалі 50 рэйсаў, яшчэ 35 былі скасаваныя.