МУС: Падазраваная ў забойстве барысаўскай ігуменні - грамадзянка Беларусі

• 6.01.2017, 18:20

Затрыманая жанчына мае беларускі пашпарт, хоць і нарадзілася ў Казахстане.

Жанчына, якую падазраюць у забойстве ігуменні Свята-Ксеніеўскага манастыра матухны Васілісы ў Барысаўскім раёне, з'яўляецца грамадзянкай Беларусі, а не Казахстана. Пра гэта піша ria.ru са спасылкай на начальніка дэпартамента грамадзянства і міграцыі МУС Аляксея Бегуна.

Раней у СМІ з'явіліся звесткі, быццам жанчына з'яўляецца грамадзянкай Казахстана. Аднак Бягун удакладніў, што затрыманая жанчына мае беларускі пашпарт. Хоць яна і з'яўляецца нараджэнкай Казахстана, але ўжо доўгі час жыве ў нашай краіне.

Нагадаем, што забойства ігуменні адбылося ўвечары 5 студзеня.