Кэры далучыўся да «жаночага маршу» супраць Трампа ў Вашынгтоне

• 22.01.2017, 11:30

Экс-дзяржсакратар ЗША прыйшоў на мітынг разам са сваім сабакам Бэнам.

Былы дзяржсакратар ЗША Джон Кэры далучыўся да шматтысячнага «жаночага маршу» ў Вашынгтоне.

Кэры прыйшоў на мітынг разам са сваім сабакам Бэнам, які таксама з'явіўся раней на ягоным апошнім прэс-брыфінгу, паведамляе gazeta.ru.

На кароткім відэароліку, апублікаваным карыстальнікам твітэра пад нікам SabrinaSiddiqui, відаць, як удзельнікі «Маршу» сустрэлі былога дзяржсакратара гучнымі воплескамі, што павольна рухаўся па вуліцу.

Нагадаем, што ў «Маршы жанчын» на Вашынгтон пасля інаўгурацыі Дональда Трампа ўзялі ўдзел сотні тысяч чалавек, тэлеканал CNN назваў лічбу ў мільён пратэстоўцаў ва ўсёй краіне.