Генерал войска Гамбіі: Мы сустрэнем замежных вайскоўцаў з кветкамі

• 20.01.2017, 21:22

Генерал войска Гамбіі Асман Баджые заявіў, што не будзе ваяваць з рэгіянальнымі сіламі, гатовымі зрынуць Ях'я Джамэ.

Генерал войска Гамбіі Асман Баджые заявіў, што прызнае новаабранага прэзідэнта Гамбіі Адама Бароў, а войска Сенегала гатовы сустракаць з кветкамі. Аб гэтым паведамляе Reuters.

Баджые сказаў, што прызнае Бароў у якасці новага гетмана і не будзе змагацца з рэгіянальнымі сіламі, гатовымі зрынуць Ях'я Джамэ, які адмовіўся сысці ў адстаўку.

«Мы будзем вітаць іх з кветкамі і запарым ім кубак гарбаты», - сказаў Баджые.

«Гэта палітычная праблема. Гэта непаразуменне. Мы не збіраемся ваяваць з нігерыйцамі, тагалезцамі або ўсялякімі іншымі вайскоўцамі», - дадаў ён.

19 студзеня войска Сенегала абвясціла аб пачатку ўварвання ў Гамбію, каб забяспечыць перадачу ўлады пераможцу на прэзідэнцкіх выбарах у гэтай краіне Адаму Бароў. Разам з Сенегалам свае войскі ў Гамбію адправіць і Нігерыя.

Сёння раніцай з'явілася інфармацыя аб тым, што вайсковая аперацыя аб'яднаных узброеных сіл Заходняй Афрыкі для ўварвання ў Гамбію, якая стартавала ўчора для развязання прэзідэнцкага крызісу ў Гамбіі, была прыпыненая дзеля фінальнай спробы мірна ўрэгуляваць сітуацыю пры міжнародным пасярэдніцтве.

Нібыта апошнія перад магчымай вайсковай аперацыяй перамовы пройдуць сёння, 20 студзеня. Перамовы паміж Ях’яй Джамэ, якія павінен сысці, і прэзідэнтам Маўрытаніі Махамедам Ульд Абдэль Азіз позна ўвечары ў чацвер зайшлі ў нявыкрутку. Новы раўнд перамоў узначаліць прэзідэнт Гвінеі Альфа Кондэ.