На праспекце Незалежнасці адбылася сур'ёзная аварыя
- 18.01.2017, 21:39
У раёне аварыі ў кірунку выезду з горада ўтварыўся сур'ёзны корак.
Сур'ёзная аварыя адбылася ўвечары 18 студзеня на праспекце Незалежнасці каля палаца спорту «Уручча». Пра гэта tut.by паведамілі чытачы. Інфармацыю пацвердзілі ў ДАІ.
— Паводле папярэдняй інфармацыі, кіроўца Audi 100 рухаўся праспектам у кірунку цэнтра і насупраць дома № 196 выехаў на паласу сустрэчнага руху, дзе сутыкнуўся з Suzuki Grand Vitara, — распавяла прадстаўнік ДАІ Першамайскага раёна Кацярына Журымская.
У выніку ДТЗ кіроўца і пасажырка Audi атрымалі траўмы рознай ступені цяжкасці і былі дастаўлены ў шпіталь.
У раёне аварыі ў кірунку выезду з горада ўтварыўся сур'ёзны затор.
Дзяржаўтаінспекцыя рэкамендуе кіроўцам аб'язджаць гэты адцінак дарогі маршрутам: вуліца Астрашыцкая, траса Заслаўе — Калодзішчы, вуліца Рагачоўская, праспект Незалежнасці.