У Польшчы будуюць самы высокі хмарачос у ЕЗ
- 12.01.2017, 21:45
Хмарачос з'явіцца каля цэнтральнага чыгуначнага вакзалу Варшавы.
Гэты гмах будзе адным з самых высокіх будынкаў не толькі ў Польшчы, але і ва ўсім Еўразвязе, піша wyborcza.pl.
На месцы будоўлі пры скрыжаванні вуліц Хмельнай і Яна Паўла II ужо працуюць экскаватары.
Унутры Varso Tower, акрамя канторскіх памяшканняў, размесцяцца дзве рэстарацыі, кавярні, крамы і адкрытая аглядная пляцоўка на вышыні 230 мэтраў.
Будаўніцтва хмарачоса мае закончыцца ў 2020 годзе.