Цана нафты маркі Brent упала ніжэй за $54

• 11.01.2017, 9:56

Некаторы ўзлёт сусветных коштаў на «чорнае золата», зафіксаваны з пачатку года, скончыўся.

Цэны ўваходзяць у звычайны, без рэзкіх ваганняў, стан. Пра гэта сведчаць звесткі электронных таргоў, паведамляюць naviny.by.

Так, на Лонданскай біржы ICE Futures нафта маркі Brent таргуецца на ўзроўні 53,73 даляра за барэль. Нагадаем, 6 студзеня цана нафты гэтай маркі падымалася да 57,39 даляра за барэль.

Такая сітуацыя, зразумела, і з лёгкай нафтай маркі WTI. На Нью-Ёркскай таварнай біржы (NYMEX) яна гандлюецца на адзнацы 50,97 даляра за барэль (54,05).