Пад Менскам 250 дамоў цягам пяці гадзін заставаліся без вады

• 9.09.2016, 9:30

Жылыя дамы заставаліся без вады ў выніку аварыі.

Праз разрыў трубаправода ў гарадскім пасёлку Радашковічы Маладзечанскага раёна без водазабеспячэння цягам некалькіх гадзін заставаліся 250 жылых дамоў.

Як паведамляе прэс-служба Менскага абласнога ўпраўлення МНС, паведамленне пра аварыю на трасе халоднага водазабеспячэння дыяметрам 150 мм на вуліцы Усходняй, 3 паступіла 8 верасня а 16.54.

У выніку аварыі без халоднага і гарачага водазабеспячэння засталіся 30 шматкватэрных і 220 прыватных жылых дамоў.

А 21.40 водазабеспячэнне спажыўцоў адноўлена.