Менскія «Цмокі» выйшлі ў 2-гі кваліфікацыйны этап Лігі чэмпіёнаў
- 29.09.2016, 21:28
Беларуская каманда паўторна перамагла балгарскага «Рыльскага» у першым коле кваліфікацыі турніру.
«Цмокі-Мінск» атрымалі перамогу над «Рыльскім» у матчы ў адказ 1-га кваліфікацыйнага этапу Лігі чэмпіёнаў - 74:64.
Такім чынам, «цмокі» праткнуліся ў 2-гі кваліфікацыйны этап гэтага турніру.
Наступным спаборнікам менчукоў стане ізраільскі клуб «Нагарыя».
Пераможца гэтага двухматчавага супрацьстаяння згуляе на групавым этапе Лігі чэмпіёнаў, слабейшы возьме ўдзел у Кубку ФІБА, паведамляе «Прессбол».
Цмокі-Мінск - Рыльскі - 74:64 (17:19, 23:9, 11:18, 23:18)
Цмокі: Грэй (19 + 3 падб. + 3 перадачы), Джойс (6 + 9 перадач + 4 падб.), Ульянка (3), Трасцінецкі, Кіселіюс (6 + 6 падб.), Мілошавіч (9 + 8 падб.), Лашкевіч (8 + 4 падб.), Белянкоў, Гагіч (5 + 3 падб.), Семянюк (9 + 7 падб.), Кудраўцаў (9).
Першы матч: 72:58.