BE RU EN

У Беларусь вяртаецца летняе цяпло

  • 29.09.2016, 10:05

На выходных будзе да +25 градусаў цяпла.

У чацвер, 29 верасня, умовы надвор'я Беларусі будуць вызначаць атмасферныя франты і вільготная няўстойлівая паветраная маса, якая паступае з Заходняй Еўропы.

Як паведамілі ў Гідраметцэнтры рэспублікі, чакаецца воблачнае з праясненнямі надвор'е. Уначы і раніцай на большай частцы тэрыторыі, удзень месцамі - пройдуць кароткачасовыя дажджы. У начныя і ранішнія гадзіны ў асобных раёнах слабы туман. Вецер заходні, умераны. Тэмпература паветра мінімальная ўначы +7.. +13°С, максімальная ўдзень +13.. +18°С, на паўднёвым захадзе да +20°С. Атмасферны ціск уначы будзе слаба падаць, удзень істотна не зменіцца.

Метэаролагі адзначылі, што 30 верасня і 1 кастрычніка надвор'е абумовіць малаактыўны атмасферны фронт і цёплыя паветраныя масы, якія паступаюць з паўднёвага захаду Еўропы.

Так, 30 верасня ў паўночных і цэнтральных раёнах, 1 кастрычніка месцамі па краіне пройдуць кароткачасовыя дажджы. Тэмпература паветра мінімальная ўначы +7.. +14°С, максімальная ўдзень +15.. +22°С, на поўдні +23.. +25°С.

Апошнія навіны