На выставе ў Маскве фатаграфіі беларуса Васюковіча аблілі фарбай
- 28.09.2016, 22:03
Фатограф паказаў публіцы фатаграфіі, зробленыя ў зоне АТА ва Украіне.
Скандалам была адзначаная выстава здымкаў беларускага фатографа Аляксандра Васюковіча ў Маскве.
У Сахараўскім цэнтры выстаўлены ягоныя фатаграфіі з праекту «Фота на памяць», які заняў першае месца ў намінацыі «Канфлікт».
Васюковіч паказаў публіцы фатаграфіі, зробленыя ў зоне антытэрарыстычнай аперацыі ва Украіне.
Як паведамляе ren.tv, у будынак 28 верасня ўварваліся невядомыя людзі, якія аблілі некалькі фатаграфій фарбай з балончыкаў.
Тыя, нападнікі паспрабавалі схавацца, адміністратары выставы выклікалі паліцыю.
Дарэчы, на 28 верасня быў прызначаны выступ Васюковіча ў Сахараўскім цэнтры.