«Мінгаз» адключыў ад газу 437 кватэр пасля праверкі
- 28.09.2016, 16:17
Камунальнікі правялі маштабную праверку кватэр у Менску і Менскім раёне.
У Менску і Менскім раёне УП «Мінгаз» праверыў блізу 15 тысяч кватэр, і 437 з іх былі адключаныя ад газу. Пра гэта паведамляе БелТА са слоў галоўнага інжынера «Мінгазу» Дзмітрыя Шаўлоўскага.
Экспэрт паведаміў, што такія абследавання шматпавярховых дамоў праходзяць штогод. На гэты раз супрацоўнікі «Мінгазу» выявілі ў кватэрах менчукоў 196 няспраўных тэхнічных прыбораў: палова з іх знасілася і працавала некарэктна.
Шаўлоўскі заявіў, што ў 98 кватэрах прыборы былі адключаныя праз тое, што ўласнікі парушалі правілы карыстання газам у побыце. У 114 кватэрах не было цягі ў сістэме вентыляцыі. А ў 282 кватэры супрацоўнікі «Мінгазу» патрапіць не змаглі.