Сілавікі не хочуць пускаць у Беларусь замежнікаў без віз

• 27.09.2016, 14:31

Беларускія сілавікі катэгарычна не жадаюць бачыць турыстаў у сваёй краіне.

У Беларусі прапрацоўваецца магчымасць даць 5 дзён на бязвізавае знаходжанне ў краіне замежнікаў, якія прыляцелі ў краіну праз Нацыянальны аэрапорт «Мінск», перадае БелТА словы міністра спорту і турызму Міхаіла Партнова.

Раней паведамлялася, што Савет міністраў разглядае праект нарматыўнага акту пра бязвізавы рэжым на 15 дзён для рэзідэнтаў краін, якія актыўна інвестуюць у Беларусь (такіх налічылі 80).

«Ёсць пэўныя сумневы з боку сілавых структур, - дадаў Партноў. - Зразумела, што бяспека краіны ў першую чаргу. Але разам з тым дакумент у высокай ступені гатоўнасці. Я мяркую, што ён увойдзе ў дзеянне сёлета».