Бюджэтнікам знізілі заробкі

• 27.09.2016, 14:07

Нават афіцыйная статыстыка не можа схаваць, што заробкі бюджэтнікаў у жніўні прыкметна скараціліся.

У бюджэтных арганізацыях намінальны налічаны сярэднямесячны заробак у студзені-жніўні 2016 года склаў 554 рублі, у жніўні - 549,4 рубля, што на 22,5 рубля, або на 3,9%, менш, чым у ліпені 2016 года.

Рэальны заробак у бюджэтных арганізацыях у студзені-жніўні 2016 года ў параўнанні з адпаведным перыядам 2015 года зменшыўся на 5,7%, у жніўні 2016 года ў параўнанні з ліпенем 2016 года - на 3,8%, паведамляе Белстат.

Нагадаем, намінальны налічаны сярэднямесячны заробак работнікаў арганізацый рэспублікі (без мікраарганізацый і малых арганізацый без ведамаснай падпарадкаванасці) у студзені-жніўні 2016 года склаў 711,4 рубля, у тым ліку ў жніўні - 750,3 рубля,што на 4,5 рубля, або на 0,6%, больш, чым у ліпені 2016 года.

Такім чынам, заробак бюджэтнікаў у жніўні быў у 1,4 разы меншы, чым у сярэднім у краіне.

У праекце бюджэту на наступны год прадугледжанае павышэнне заробку ў бюджэтным сектары эканомікі на 9%.