У Барнауле невядомыя напалі на журналіста Рыгора Пасько

• 27.09.2016, 10:51

Кіраўнік Садружнасці журналістаў даследчык Расеі прыехаў у горад для ўдзелу ў семінары з маладымі журналістамі.

У Барнауле невядомыя напалі раніцай у аўторак на Рыгора Пасько - кіраўніка Садружнасці журналістаў даследчыкаў - і збілі яго.

Пасько ўдзельнічаў у рабоце чарговага семінара з мясцовымі маладымі журналістамі-даследчыкамі. Як паведаміў сам Пасько на сваёй старонцы ў «Фэйсбуку», ён знаходзіцца ў РАУС Барнаула і дае паказанні. Пазней ён напісаў, што яму выпісалі накіраванне на медыцынскі агляд.

Пра факт нападу Рыгор Пасько паведаміў таксама сёння раніцай сайту charter97.org.

Журналіст Рыгор Пасько ў 2001 годзе быў прызнаны судом РФ вінаватым у дзяржаўнай здрадзе ў форме шпіянажу і вызвалены паводле УДВ у 2003 годзе.

Суд устанавіў, што ён, працуючы вайсковым журналістам, неправамерна прысутнічаў на паседжанні штаба Ціхаакіянскага флота, збіраў і захоўваў на просьбу японскага журналіста сакрэтную інфармацыю пра вучэнні на флоце з мэтай яе перадачы ў СМІ Японіі.