У Беларусь прыехалі кітайскія вайскоўцы
- 22.09.2016, 10:21
Вайскоўцы прабудуць у краіне да заўтра.
Дэлегацыя войска Кітая на чале з намеснікам начальніка Аб'яднанага штаба вайсковай рады генерал-палкоўнікам І Сяогуанам прабудзе ў нашай краіне з 21 да 23 верасня, паведамляе прэс-служба Мінабароны.
«У рамках праграмы візіту 21 верасня адбылася сустрэча начальніка Генеральнага штаба Узброеных сіл - першага намесніка міністра абароны Беларусі Алега Белаконева з кіраўніком кітайскай вайсковай дэлегацыі, падчас якой бакі абмеркавалі актуальныя пытанні двухбаковага супрацоўніцтва. Акрамя таго, 22 верасня дэлегацыя наведае адну з воінскіх часцей Узброеных сіл, дзе азнаёміцца з яе жыццядзейнасцю і баявой падрыхтоўкай асабовага складу», - паведамілі ў Мінабароны.