Сяргей Крывец: Калі не лічыць апошнія дзесяць хвілін, перамога над нарвежцамі заслужаная

• 1.09.2016, 12:09

Да перапынку матч быў роўным, а пачатак другога тайма быў за беларусамі.

Паўабаронца каманды Беларусі Сяргей Крывец у размове з pressball.by падвёў вынік пераможнага матчу з нарвежцамі (1:0), у якім ён забіў пераможны гол.

«Заўсёды прыемна перамагаць, тым больш на выездзе. Да перапынку матч быў роўным, а пачатак другога тайма быў за намі. Акрамя гола, стваралі яшчэ моманты, маглі забіць. А ў канцоўцы неяк перасталі гуляць - магчыма, сталі эканоміць сілы. Калі не браць у разлік апошнія дзесяць хвілін, то перамога заслужаная. Што тычыцца майго гола... Была добрая перадача ад Мішы Гардзейчука, я бачыў, што галкіпер выходзіў з брамы, і заставалася толькі трапіць у мэту», - сказаў пасля матчу Крывец.