У Варшаве пройдзе VI фестываль беларускага кіно Bulbamovie

• 31.08.2016, 12:58

Bulbamovie - першы ў свеце фестываль, прысвечаны толькі беларускаму кіно.

Фестываль Bulbamovie праводзіцца з 2011 года. Лаўрэатамі фестывалю былі: Мітрый Сямёнаў-Алейнікаў, Дарыя Юркевіч, Віктар Красоўскі, Марыя Матусевіч, Андрусь Такінданг, Арцём Лобач і шмат іншых удзельнікаў, з якіх стваралася асяроддзе маладых незалежных кінематографаў, піша novychas.by.

Bulbamovie прывяло да папулярызацыі моды на беларускае кіно і было штуршком для арганізатараў «Лістапада», які пару гадоў пазней увёў нацыянальны конкурс у сваю праграму.

У 2014 годзе Bulbamovie перамясцілася з Варшавы ў Менск, але паказы праходзяць таксама і ў польскай сталіцы.

VI фестываль Bulbamovie пройдзе ў Менску і ў Варшаве 21-23 кастрычніка 2016 года.

Да ўдзелу ў кінаконкурсе прымаюцца гульнявыя, дакументальныя і анімацыйныя фільмы.