Банкаўскія карткі не будуць працаваць у нядзелю

• 31.08.2016, 10:38

Трымальнікі картак сутыкнуцца з цяжкасцямі ў разліках і пры зняцці наяўных грошай у банкаматах.

Збоі ў працы банкаўскіх картак магчымыя ў Беларусі ўначы 4 верасня, інфармуе афіцыйны сайт ААТ «Банкаўскі працэсінгавы цэнтр».

«З 2.00 да 7.00 4 верасня будуць праводзіцца тэхналагічныя работы на комплексе апрацоўкі аўтарызацыйных запытаў у рэжыме рэальнага часу. Таму ў паказаны час магчымыя перапынкі ў абслугоўванні трымальнікаў картак банкаў, якія карыстаюцца паслугамі нашага цэнтра, а таксама ў сетцы арганізацый гандлю (сэрвісу), пунктаў выдачы наяўных, самаабслугоўвання, банкаматаў, якія абслугоўваюцца банкамі, падлучанымі да апаратна-праграмнага комплексе ААТ «Банкаўскі працэсінгавы цэнтр», - гаворыцца ў паведамленні на сайце.