Пад Маладзечна маладога камбайнера зацягнула ў жняярку
- 3.08.2016, 7:31
Трагедыя адбылася ўвечары 31 ліпеня на полі каля вёскі Кілтаўцы Гарадоцкага сельсавета.
У Маладзечанскім раёне загінуў малады камбайнер.
Як паведамляе "Край.бай", у жняярку зацягнула 24-гадовага камбайнера. Трагедыя адбылася ўвечары 31 ліпеня на полі каля вёскі Кілтаўцы Гарадоцкага сельсавета.
«Камбайн належыць сельскагаспадарчаму прадпрыемству «Бярэзіна-Аграпрадукт», - сказаў пракурор Маладзечанскага раёна Уладзімір Дубоўскі. - Няшчасны выпадак адбыўся а 17.30. Паводле папярэдніх звестак, камбайнер палез чысціць жняярку камбайна. І ў ёй атрымаў траўмы, несумяшчальныя з жыццём. Між іншым маладому чалавеку штыром прабіла галаву, перамалола косткі цела».
Праверку паводле факта смерці камбайнера праводзіць Маладзечанскі раённы аддзел Следчага камітэта. Трэба высветліць, у якім тэхнічным стане знаходзіўся камбайн. Прызначаная таксама экспертыза стану камбайнера перад трагедыяй. Паводле папярэдніх звестак, ён быў цвярозы.