Як менчукі адпачывалі на «Тбілісоба»

• 28.08.2016, 20:36

Грузія вабіла беларусаў заўсёды, а грузінская кухня тым больш.

У гэтым маглі пераканацца менскія аматары хачапуры, якія прыйшлі сёння на фестываль гастранамічнай культуры «Тбілісоба» і якія ўбачылі сотні такіх людзей, як яны самі, піша onliner.by.

На пляцы Волі ў Менску ў суботу ўвечары было шматлюдна, паставілі вялізны стол, да палатак з пачастункамі выстраіліся чэргі. Мяркуючы з усяго, ніхто не сышоў з гэтага свята галодным. «Свята жывата» пад запальную грузінскую музыку энэргічных картвелебі – чаго яшчэ хацець суботнім вечарам?