Пуцін прызначыў кіраўніком Калінінградскай вобласці супрацоўніка ФСБ і свайго былога ахоўніка
- 30.07.2016, 8:29
Былы начальнік Управы ФСБ Калінінградскай вобласці Яўген Зінічаў, напярэдадні прызначаны на пасаду кіраўніка гэтага рэгіёну, працаваў у Службе бяспекі прэзідэнта РФ.
У афіцыйнай біяграфіі чыноўніка пра гэта не паведамляецца. У той жа час аб рабоце Зінічава з СБП (уваходзіць у Федэральную службу аховы) распавядаюць архіўныя фатаграфіі. Акрамя таго, у Крамлі пацвердзілі, што новаспечаны в.а. кіраўніка Калінінградскай вобласці працаваў ахоўнікам расейскага лідара.
Прэс-сакратар кіраўніка дзяржавы Дзмітрый Пяскоў пацвердзіў РБК, што Зінічаў раней працаваў у Службе бяспекі прэзідэнта. Блізкая да Крамля крыніца агенцтва ўдакладніла, што чыноўнік некалькі гадоў быў супрацоўнікам СБП, ад'ютантам прэзідэнта РФ.
Раней выданне Новый Калининград апублікавала некалькі фатаграфій з архіва ТАСС, на якіх Зінічаў суправаджае Пуціна. У подпісе да здымках, зробленым падчас паездкі ў Яраслаўль ў 2006 годзе, чыноўнік пазначаны як «супрацоўнік ФСА»; на фотаздымках з Іванава за 2010 год - альбо «супрацоўнікам ФСБ», альбо «супрацоўнікам ФСА». На ўсіх архіўных фотаздымках ТАСС Зінічаў знаходзіцца ў непасрэднай блізкасці да кіраўніка дзяржавы.
У афіцыйнай біяграфіі Зінічава, ужо апублікаванай на сайце ўрада Калінінградскай вобласці, гаворыцца, што з 1987 да 2015 года чыноўнік «служыў на розных пасадах у органах дзяржаўнай бяспекі». Канкрэтныя месцы службы не пазначаныя.