Станцыю метро Мілана эвакуявалі праз пагрозу выбуху

• 25.07.2016, 21:15

Акрамя падземных ліній быў замкнёны таксама і сам вакзал.

Праз падазроны мяшок сёння пад 16.30 была эвакуяваная адна з цэнтральных станцый метро Мілана "Цэнтральны вакзал", паведамляе gordonua.com са спасылкай на мясцовае выданне Lecconotizie.

На месцы здарэння знаходзіліся паліцыянты і медыцынскія работнікі.

У выніку праверкі выявілася, што выбуховага рэчыва ў мяшку няма, паведамляе італійскае выданне Ansa. Са слоў паліцыі, мяшок быў незвычайны - не такі, які забываюць. На думку праваахоўнікаў, здарэнне магло быць пастановачнай штукай.

Паліцыя вывучае відэа з камер назірання, каб вызначыць, хто мог пакінуць падазроны мяшок.