Фотафакт: мянчук спалохаўся вужакі ў аўтамабілі і выклікаў МНС

• 25.07.2016, 15:00

Сам кіроўца, які выявіў вужа ў салоне аўто, не рызыкнуў разбірацца са змяей.

Учора ў МНС паступіў званок з незвычайнай просьбай аб дапамозе, піша onliner.by.

«Мужчына усхвалявана паведаміў, што ў салон ягонага легкавіка, які стаяў на праезнай частцы вуліцы Гедройца, забралася вужака, - распавялі ратавальнікі. - Сам ён не рызыкнуў разбірацца з паўзуном і выклікаў МНС. Супрацоўнікі, якія аператыўна прыбылі на месца выкліку, пры дапамозе адмысловага абсталявання дасталі змяю з салона Volkswagen Golf, высветлілася, што гэта быў вуж».