Больш за паўтара дзесятка будынкаў у Слоніме пяць гадзін заставаліся без вады
- 19.07.2016, 9:57
Праз парыў трубаправода больш за паўтара дзесятка будынкаў у Слоніме некалькі гадзін заставаліся без водазабеспячэння.
Як паведамляе БелаПАН са спасылкай на Гарадзенскае абласное ўпраўленне МНС, паведамленне пра аварыю паступіла 18 ліпеня а 12.40.
У выніку здарэння ад халоднага водазабеспячэння было адключана 16 шматкватэрных жылых дамоў, яслі-сад, стаматалагічная паліклініка, рэстарацыя.
А 17.45 водазабеспячэнне спажыўцоў адноўлена. Прычына таго, што здарылася - каразійны знос сценак трубаправода.