Максім Мірны згуляе на Алімпіядзе ў Рыа

• 30.06.2016, 21:02

Алімпійскі тэнісны турнір пройдзе з 6 да 14 жніўня.

Міжнародная тэнісная федэрацыя апублікавала спісы ўдзельнікаў адзіночнай і парнай катэгорый на будучыя Алімпійскія гульні ў Рыа-дэ-Жанэйра. Беларусь прадставяць Вікторыя Азаранка (адзіночная катэгорыя), Максім Мірны і Аляксандр Буры (абодва - у парнай катэгорыі), паведамляе «Прессбол».

Як адзначае афіцыйны сайт БТФ, Максім Мірны і Аляксандр Буры трапілі на алімпійскі тэнісны турнір у парнай катэгорыі згодна з патрабаваннямі да размеркавання фінальных кваліфікацыйных месцаў Міжнароднай тэніснай федэрацыі.

Алімпійскі тэнісны турнір пройдзе з 6 да 14 жніўня. У турніры возьмуць удзел тэнісісты з 51 краіны.