«Шчасце ёсць», «Усё атрымаецца», «Усміхніся»: У Гомелі з'явіліся жыццесцвярджальныя расцяжкі

• 27.06.2016, 17:48

Аўтары плакатаў захацелі, каб пасажыры, прачытаўшы тэкст, маглі проста ўсміхнуцца і яшчэ больш падняць сабе настрой.

Расцяжкі са слоганамі на расейскай і беларускай мовах «Не хвалюйся», «Шчасце ёсць», «Усё атрымаецца», «Усміхніся» і іншымі з'явіліся ў салонах некаторых аўтобусаў горада, піша tut.by.

Распрацоўшчыкі, калектыў адной гомельскай рэкламнай кампаніі, захацелі, каб пасажыры, увайшоўшы ў салон з самай раніцы або пасля цяжкага працоўнага дня, маглі проста ўсміхнуцца і яшчэ больш падняць сабе настрой. Аўтар ідэі - Аляксандр Паўлёнак.