У Пецярбургу загарэўся стадыён, які будуецца да ЧС-2018
- 25.06.2016, 12:52
У Санкт-Пецярбургу, на стадыёне "Зеніт-арэна", што будуецца да чэмпіянату свету ў футболе ў 2018 годзе, узнік пажар.
Як паведамляе Life78, узгаранне ўзнікла ў праходзе паміж радамі на адной з верхніх трыбун.
Меркавана, будаўнікі праводзілі зварачныя працы, у выніку якіх іскра патрапіла на трыбуны.
Раней на гэтым стадыёне вецер сарваў дах коштам 34 мільярды рублёў.