Вікторыя Азаранка прапусціць Уімблдон праз траўму калена
- 23.06.2016, 15:51
Менавіта гэта пашкоджанне таксама вымусіла беларускую тэнісістку зняцца з «Ралан Гарос».
Беларуская тэнісістка Вікторыя Азаранка адмовілася ад удзелу ва Уімблдоне праз траўму калена, паведамляе championat.com.
Менавіта гэта пашкоджанне вымусіла яе зняцца з «Ралан Гарос». Таксама праз траўму калена былая першая ракетка свету не згуляла ў Нотынгеме.
У 2016 годзе Вікторыя перамагла ў турніры ў Брысбене, Індыян-Уэлсе і Маямі. Уімблдон стартуе 27 чэрвеня.