BE RU EN

Парашэнка заклікаў ЕЗ узмацніць санкцый супраць Расеі

  • 9.05.2016, 18:48

Прэзідэнт Украіны Пятро Парашэнка заклікаў да ўзмацнення жорсткасці санкцый у дачыненні да Расеі, бо ў Еўропе «раздаюцца галасы» аб іх неэфектыўнасці.

Прэзідэнт Украіны Пятро Парашэнка, выступаючы падчас акцыі «Першая хвіліна свету» ў Музеі гісторыі Украіны ў Другой сусветнай вайне ўвечары 8 траўня заявіў, што ўкраінская дыпламатыя працуе над падаўжэннем эканамічных санкцый, уведзеных супраць Расеі глабальнай праўкраінскай кааліцыяй, піша РБК.

«Час ад часу ў некаторых еўрапейскіх краінах раздаюцца галасы аб нібыта неэфектыўнасці санкцый. Што ж, раз яны камусьці здаюцца неэфектыўнымі, то іх трэба не здымаць або змякчаць, а наадварот, працягваць і ўзмацняць», - заявіў Парашэнка.

Падчас свайго выступу прэзідэнт таксама адзначыў, што Украіна робіць стаўку на палітычнае развязанне канфлікту на Данбасе. Паводле ягоных слоў, Кіеў са свайго боку здзяйсняе правільныя крокі ў дачыненні да ўрэгулявання канфлікту на паўднёвым усходзе краіны і альтэрнатывы менскім пагадненням у гэтым працэсе няма.

«Довадам з'яўляецца мірнае неба над большай часткай тэрыторыі Украіны, магутная сусветная салідарнасць з Украінай, санкцыі, ўведзеныя за невыкананне менскіх пагадненняў. І тое, што вораг цяпер заблакаваны на далёкіх усходніх рубяжах - гэта таксама эфектыўнасць менскіх пагадненняў», - падкрэсліў прэзідэнт Украіны (цытата з «Інтэрфакс-Украіна»).

Апошнія навіны