Трэнер нацыянальнай каманды ЗША: «Той пройгрыш ад беларусаў стаў урокам для нас»

• 6.05.2016, 9:33

Трэнер нацыянальнай каманды ЗША Джон Хайнс падзяліўся чаканнямі ад старту на ЧС-2016 і распавёў аб камандзе Беларусі.

Інтэрв'ю публікуе Трыбуна.

- Вашым спаборнікам нумар два стане каманда Беларусі. Летась амерыканцы ёй сенсацыйна саступілі. Ці надасць гэта цяпер дадатковую матывацыю?

- Стымулы ёсць у кожнай гульні. А той пройгрыш павінен быў стаць урокам для нашых хакеістаў. Яны зразумелі, што трэба быць гатовымі да любога матчу і паважаць любога спаборніка. Зробім усё, каб паказаць у сустрэчы з вашай камандай найлепшыя якасці.

- Каго з каманды Беларусі назавяце?

- Хм... Хіба што Касціцыных. Аднак зараз пачынаем вывучаць вашу каманду, так што праз пару дзён буду ведаць больш.

- А з Дэйвам Льюісам перасякаліся?

- Натуральна, я ў курсе, хто гэта такі. Здаецца, пару разоў мы трохі размаўлялі, абменьваліся даслоўна некалькімі фразамі. Але не больш за тое, так што, можна сказаць, амаль не знаёмыя.

- Вы кіруеце «Нью-Джэрсі». Ведаеце, хто такі Артур Гаўрусеў?

- Вядома. Летась я крыху з ім папрацаваў, калі Гаўрусеў прыязджаў у Кэмп развіцця для праспектаў. Ён спадабаўся мне як чалавек і як хакеіст таксама. Думаю, у будучыні гэты хлопец стане часткай сістэмы «Дэвілс». Уласна, Артур ўжо ў яе ўваходзіць, бо наш клуб яго задрафтаваў.

- У фарм-клубе «Нью-Джэрсі», «Олбані Дэвілз», выступае яшчэ адзін беларус - Раман Грабарэнка...

- Так, сачу за ім. Хлопец добра катаецца, каштоўны гулец для каманды. Працягнем за ім назіраць. У Рамана ёсць шанец выступаць за асноўны склад у НХЛ. Мы ж хочам, каб «Нью-Джэрсі» у наступным сезоне быў баяздольным калектывам. А Грабарэнку ў нас шануюць.