Супрацоўнікаў Менскай мытні затрымалі за хабар?
- 5.05.2016, 16:25
Крыніцы паведамляюць, што пецярых супрацоўнікаў мытні затрымалі супрацоўнікі КДБ.
Як паведаміў onliner.by адзін з чытачоў, як мінімум пецярых мытнікаў затрымалі супрацоўнікі КДБ. Паводле папярэдняй інфармацыі, прычына - хабар 1000 у.а. Але пакуль афіцыйна факт затрымання ў Камітэце дзяржбяспекі не пацвярджаюць.
Чытач сцвярджае, што аднаго з супрацоўнікаў мытні затрымалі за хабар 1000 у.а. За што яшчэ чатырох - невядома.
У Камітэце дзяржбяспекі гэтую інфармацыю не пацвердзілі.
- Можа быць. У нас пакуль такой інфармацыі няма, - адзначае начальнік прэс-службы КДБ Дзмітрый Пабяржын.
Нагадаем, летась КДБ за хабар затрымаў 19 супрацоўнікаў Ашмянскай мытні. Тады высветлілася, што ў пункце пропуску «Каменны Лог» супрацоўнікі мытні бралі хабару сумамі ад $250 да $3000. У дамах фігурантаў было канфіскавана больш за $2,2 млн гатоўкі.